Herriko kuadrillak, Gazte Egunerako motorrak berotzen
Etzi (ostirala) itxiko dute aurtengoan izena emateko epea. Galdetegi bat bete beharko dute kuadrillek.
2019an egin zuten azken Gazte Eguna. Herriko kuadrillak aurtengo Gazte Egunari begira jarri dira jada, motorrak berotzen hasi dira. Aurten bai, xanistebanetako egun kuttunenetako batez gozatzeko aukera izango dute, 2019a izan baitzen azken festa handia.
Bazkarira joateko asmoa duten gazteek dagoeneko izena emateko aukera dutela jakinarazi dute Biyurrieneakoek. Etzi (hilak 27) izango da apuntatzeko azken eguna.
Izena emateko galdetegi bat bete beharko da, kuadrillako pertsona bakar batek erantzun beharko du. Antolatzaileek jakinarazi dute kuadrilla bakoitzak arduraren bat izango duela aurten, galdetegian hainbat zereginen artean aukeratu beharko dute. Kontuan hartuko dute kuadrillek proposatutakoa, eta ardurak banatuko dituzte ondoren antolatzaileek. Biyurrieneko txosnan turnoren bat egiteko prest daudenei jakinarazteko dea egin diete.
Galdetegia esteka honetan erantzun daiteke.
