Oiartzungo BTT Sari Nagusiak txirrindulariz beteko du Urkabe ingurua
Larunbatean alebin eta infantilen txanda izango da, eta igandean aldiz, gainerako kategorietakoek parte hartuko dute.
Asteburu honetan Oiartzungo BTT Sari Nagusia jokatuko dute hainbat txirrindularik, OTXEk antolatuta. Larunbatean alebin eta infantilen txanda izango da, eta igandean aldiz, gainerako kategorietakoek parte hartuko dute.
Lasterketa Urkabe mendi inguruan izango da. Biharko lehia 16:30ean hasiko dute, eta igandekoa aldiz, 10:00etan.
Bertaratu nahi duten zaleentzako aparkaleku bat egokituko dute, Orereta bidetik sartu beharko dira autoak.
Parte hartzeko interesa dutenek oraindik izena eman dezakete, helbide honetara idatzita. Gutxienez hiru txirrindularik eman beharko dute izena talde edo klub bakoitzeko.
