Sare sozialetan presentzia hobetzeko ikastaroak
Ikastaroak merkatarientzat eta ostalarientzat zuzenduak daude, eta Pasaiako Laurak Bat Merkatarien Elkarteak antolatu ditu.
Trintxerpeko liburutegian egindako ikastaroa. Laurak Bat Elkarteak bazkideen formakuntza bultzatu nahi du digitalizazio gaietan. Pasaiako Merkatarien Elkarteak uste du sare sozialek bultzada handia ematen diotela merkataritza eta ostalaritza sektoreari, eta horregatik bertan presentzia edukitzea ezinbestekotzat du.
Horretarako, ikastaro ezberdinak antolatu nahi ditu elkarteak. Lehenengoa martxan da dagoeneko, eta “Digitalizaziorako tresnak” du izenburu moduan. Ikastaroa presentziala da eta Arkaitz Sukuntzak gidatzen du. Asteartetan eta ostegunetan izaten da Trintxerpeko liburutegian. Sare sozialetan profilak irekitzea eta edukiez betetzea erakustea da kurtsoaren helburu nagusia.
Ikastaroa Eusko Jaurlaritzaren, Lanbideren eta Gipuzkoako Merkatarien diru laguntza bati esker antolatzen da.
