Irlanda eta Euskal Herria batuko ditu aurten Bixi-Bixik
Donibaneko elkarteak, Gora herriak egitasmoaren baitan, egitarau oparoa prestatu du ekainaren 2tik 18ra bitarte.
Gora herriak Irlanda-Euskal Herria egitasmoaren egitaraua argitara atera du Bixi-Bixik. 
Abian jarria da, dagoeneko, Donibaneko Bixi-Bixi Kultur Elkartea, aurten ere Gora herriak egitasmoari esker, beste lurraldeetako borroka eta errealitateak Euskal Herriratzeko. Iaz, pandemiaren oztopoak tarteko, hautetsia zuten Irlanda alde batera utzi eta Kurdistani egin zioten tartea sanjuandarrek.
Aurten, ordea, “normaltasunera” bueltatu nahi den honetan, asmo hori berrartu eta Irlanda-Euskal Herria gerturatu nahi dituzte. Horretarako, egitarau oparoa antolatu dute ekainaren 2an hasi eta hil horretako 18ra bitarte. Kasik egunero egongo da aukera Pasaiako barrutian hitzaldi, kontzertu edota bestelako ikuskizunekin hausnarketari ekin edota kulturartekotasunari esker gozatua hartzeko.
Horra hor Bixi-Bixik prestatu duen egitaraua:
- Ekainak 2, osteguna.
- Hitzaldia. 19:30ean, Kulturgunean, Ipar Irlandak bizi izaniko gatazka, XX. mendeko azken hamarkadetan. Preso politikoen borrokaldiak eta ekarpena. Raimond McCartney-ren eskutik (preso ohia eta Ipar Irlandako parlamentari izandakoa).
- Ekainak 4, larunbata.
- Ikuskizun-kontzertua. 19:30ean, Hegaluze tabernan. Barry Manley-ren eskutik.
- Ekainak 7, asteartea.
- Hitzaldia. 19:30ean, Kulturgunean, Ostiral Santuko Akordioa. Sustraiak, eragina, garapena, egungo egoera eta zailtasunak. Urko Aiartzaren eskutik (abokatua eta nazioarteko gaietan aditua).
- Ekainak 9, osteguna.
- Hitzaldi-audiobisuala. 19:30ean, Kulturgunean. Errepublika baten sorrera. Irlandaren independentzia gerra (1919-21). Josetxo Otegi historialariaren eskutik.
- Ekainak 10, ostirala.
- Kontzertua. 20:00etan, Juanba Berasategi Auditorioan. Anje Duhalde eta Conor Mac Carthy. (Sarrerak, Berezi okindegian edo 667 72 21 44 telefonoaren bitartez).
- Ekainak 14, asteartea.
- Hitzaldia. 19:30ean, Kulturgunean. Gaelikoz garatutako irlandar kultura. Egungo egoera, etorkizuna. Gerard O Chianan eta Mac Siacais-en eskutik.
- Ekainak 15, asteazkena.
- Pub irlandarra. 19:30etik aurrera, Meipin, Irish music session. Edel, Stephan eta Emma.
- Ekainak 16, osteguna.
- Hitzaldia. 19:30ean, Kulturgunean. Irlanda batu eta askeari begirako urratsak, azken urteotako aldaketak, gazte eta emakumeen perspektiba berriak… Mairead Farrell-en eskutik, Irlandako Sinn Feingo errepublikar alderdi politikoko parlamentaria.
- Ekainak 17, ostirala.
- Pub irlandarra. 19:30etik aurrera, Santiago plazan, Traditional irish music and songs. Edel, Stephan eta Emma.
- Ekainak 18, larunbata. Bukaerako jai handia.
- 12:00. Muxikoak, Meipin.
- 13:00. Kantu-Jira.
- 14:00. Herri bazkari irlandarra, Bixi Bixi plazan. (Sarrerak, Berezi okindegian edo 667 72 21 44 telefonoaren bitartez).
- 17:00. Itxiera ekitaldi politiko-kulturala.
- Bukatzeko, garagardo festa, Txufla elektro-txaranga, eta musika gehiago.
