Gure Zumardia dantza eta jauziz girotuko dute Antxoko Muxikoek
Antxoko Muxikoen Elkartea, Jeiki Hadi taldearen musikarekin, barrutiko plaza nagusian arituko da datorren larunbat eguerdian.
Datorren larunbatean, ekainak 4, Antxoko Muxikoen Elkarteak dantza eta jauziz girotuko du Antxoko XXVII. Sagardo Eguna. 12:00etatik aurrera, Jeiki Hadi taldearen musikarekin, Gure Zumardian arituko dira (euria egingo balu, Ibaiondo pilotalekura lekualdatuko lukete dantzaldia).
Saioa bukatuta, 14:30ean, dantzari eta laguntzaileek bazkaria egingo dute Ibaiondo pilotalekuko kantinan. Izena eman nahi duenak mezu bat bidal dezake 634 34 64 83 telefono zenbakira. Menua aldez aurretik hautatu beharko da: haragia edo arraina.
