Ikastola Eguna ospatuko du igandean Haurtzarok
Egun osoko egitaraua prestatu dute. Festa handia igandean bada ere, larunbatean motorrak berotuko dituzte, ikastolako dantza taldearen emanaldiarekin.
![Haurtzaro Ikastolaren Eguna 2018](https://oarsoaldea.hitza.eus/site/files/2018/06/Ikastolaren-Eguna-2018-8.jpg)
Haurtzaro Ikastola Eguna ospatuko dute bertako langile, ikasle eta haien gurasoek asteburu honetan. Igandean egingo dute festa egun handia, baina larunbaterako ere ekitaldi bat antolatu dute. 18:00etan, Haurtzaro Dantza Taldearen emanaldia izango da ikastolako frontoian.
Igandean (hilak 5), berriz, egun osoko egitarauaz gozatuko dute bertaratutakoek, askotariko ekitaldi eta ekintzak antolatu dituzte. Ondorengoa da egitarau osoa:
- 08:30: Suziriak festa egunari hasiera emateko.
- 08:30: Ginkana ikasleentzat, LH 3. mailatik gorakoentzat.
- 11:15: Eskolaz kanpoko ekintzen emanaldia: bertsolariak, trikitilariak, pandero jotzaileak eta euskal dantza emanaldia.
- 12:00: ekitaldi ofiziala lehendakariaren eskutik. Eskuttun taldeari esker ona adieraziko dio Ikastolak, eta ondoren, DBH 4. mailako ikasleei agurra egingo diete.
- 13:30: Haurren bazkaria ikastolako pilotalekuan.
- 14:00: Helduen bazkaria ikastolako pilotalekuan. Ondoren, DBH 3. mailakoen saskien zozketak eta bingoa egingo dituzte.
- 14:30etik aurrera: gaztelu puzgarriak eta haurrentzako tailerrak.
- 16:00: Kiki eta Moko pailazoen emanaldia.
- 17:30: Eskolaz kanpoko ekintzetako dantza modernoko emanaldia. Jarraian, zumba saio irekia egingo dute.
- 18:30: Buruhandiak.
Egun osoan zehar taberna irekita egongo dela aurreratu du ikastolak.