Igandeko Intxixu Trailen izena eman daiteke oraindik
Ostiralean itxiko dute zazpigarren edizioan izena emateko epea, baina igandean bertan ere apuntatzeko aukera egongo da, lasterketa hasi baino lehen. Momentuz, 120 lagun baino gehiago apuntatu dira.
2019an egin zuten azken edizioa. Pandemiak azken bi urteetako edizioak zapuztu ondoren, igandean (hilak 5) bai, zazpigarren Intxixu Trail egingo dute. Orain arte 120tik gora lagunek eman dute izena, baian oraindik apuntatzeko aukera dagoela jakinarazi dute antolatzaileek. Etzira arte (ostirala) egin daitezke izen emateak, webgune honetan. Bestela, igandean bertan ere apuntatzeko aukera emango dute, lasterketa hasi aurretik.
Uztapide plazatik abiatuko dira lasterkariak, 10:00etan. 13:00ak aldera, “festa txiki” bat egingo dutela aurreratu dute antolatzaileek.
