Hodei Lujanbio eta Nerea Amilibia, azkarrenak Intxixu Trailen
Larraitz Etxebeste izan zen oiartzuar onena atzo, emakumezkoetan bigarren postuan sailkatu baitzen.
Larraitz Etxebeste oiartzuarra bigarren sailkatu zen. Argazkia: Mikel Zuriarrain. Zazpigarren Intxixu Trailek lasterkariz bete zituen atzo Aiako Harriko parke naturaleko txoko eta bideak. Eguraldia lagun izan zuten gainera lasterkariek, goiz ederra pasatu zuten.
Hodei Lujanbio Apezetxea goizuetarra eta Nerea Amilibia Arruti zarauztarra izan ziren lehenak helmugara iristen. Gizonezkoetan, Lujanbioren atzetik Legorretako Aitor Zunzunegi sailkatu zen, eta hirugarren izan zen Arantzako Asier Apezetxea. Emakumeetan aldiz, bigarrena Larraitz Etxebeste oiartzuarra izan zen , eta haren atzetik Ainhoa Caporossi zumaiarra sailkatu zen.
Lotura honetan kontsulta daiteke sailkapen osoa. Atzoko hainbat irudi ere zintzilikatu dituzte antolatzaileek, Facebook kontu honetan.
