Egoitz Perezek Ekialdeko torneoa irabazi du. Errenteriako taldeak bere aldetik herri arteko Txapelketako Paleta eta Pala motzeko finalerditako joaneko partidak galdu ditu.
Egoitz eta Mikel aurreko ostiralean, Errenteria-Oreretako Fanderia auzoko pilotalekuan. Asteburuan jokatutako pilota partidetako emaitzak hurrengoak izan dira:
Batetik, Egoitz Perez Epleko pilotariak Ekialdeko Torneoa irabazi du 3. mailako kadeteen Gipuzkoako 4 t’erdiko txapelketan. Egoitzek 22 puntu eskuratu zituen eta Mikel Aiestaran irabazi zuen. Azken honek 8 puntu eskuratu zituen.
Bestetik, herri arteko Txapelketako Paleta eta Pala motzeko finalerditako joaneko partidak galdu zituen Errenteriako taldeak. 35-30 galdu zuten larruzko paletan eta 40-37 pala motzean. Itzuliko partidak datorren ostiralean, hilak 10, jokatuko dira Errenteria-Oreretako Agustina Otaola pilotalekuan.
Trinkete modalitateari dagokionez, asteburu bikaina izan zen EPELeko kirolarientzako. Aranburuk 30-40ko emaitzarekin irabazi zion Atxarte Bri Euskal Ligan. Tabernak eta Chiapusok ere garaipena lortu zuten Euskal Ligan Hernani B ren aurka (40-13) beste finalerdian. Euskal Ligako bi finalak datorren ostiralean, hilak 10, jokatuko dira Abadiñoko Trinketean, Bizkaian.
Oarsoaldeari buruzko kalitatezko informazioa eta gertukoa jaso nahi dudalako. Euskaraz bizi nahi dudalako eta hizkuntzaren biziberritzea bultzatu nahi dudalako. Herrigintza egin nahi dudalako. Oarsoaldeko euskarazko komunitatearen parte izan nahi dudalako. Oarsoaldeko herritarrok behar dugulako. Zure ekarpena behar dugu, babestu tokiko euskarazko komunikabidea.
