Errenteriarrek azken erailketa matxista salatu dute kalean

Mugimendu Feministak estrukturala den arazoari irtenbidea emateko, eta eraldaketa soziala burutzea eskatu du egin berri duen kontzentrazioan.

Gaur arratsaldean egin dute kontzentrazioa Mugimendu Feministako kideek.

Mugimendu Feministak Errenteria-Oreretako kaleak hartu ditu gaur arratsaldean Barakaldoko erailketa matxista salatzeko asmoz. Niessengo enparantzan bildu dira herritarrak, eta bertan salatu dute erailketaz nazkatuta daudela. Kontzentrazioan alderdi ezberdinetako kideak eta herritar ugari egon dira. 

Kalera irteten jarraituko dute jakitera eman dute, eta estrukturala den arazoari konponbidea ematea eskatu dute. Horretarako, baliabideak eskatu dizkiete instituzio publikoei. Jarrera sexistekin eta matxistekin amaitzeko eraldaketa soziala burutzea eskatu diote gizarteari. Biolentziarik gabeko espazioen beharra salatu, eta erantzun kolektiboak ematera deitu dituzte herritarrak.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.