Oiartzun KEren udako campusean izena eman daiteke jada
Ekaineko azken astean eta uztaileko bigarren eta hirugarren astean egingo dute campusa. 80 euro ordaindu beharko dituzte partaideek.
Aurten ere udako campusa egingo du Oiartzun KEk. Hilaren azken astea eta uztaileko bigarren eta hirugarren asteetan zehar luzatuko dutela jakinarazi du klubak. Izena eman daiteke jada, lotura honetan, edo bestela, 609 50 21 89 edo 649 38 04 85 telefono zenbakietara deituta.
Benjaminetan (8-10 urte), alebinetan (10-12 urte) eta infantiletan (12-14 urte) banatuko dituzte partaideak. 80 euro ordaindu beharko dira jokalari bakoitzeko.
Partaide guztiek Adidas kamiseta eta botila bana jasoko dute opari.
