Festa giroan emango diote ongi etorria udari Elizaldeko auzotarrek

Hainbat ekintza eta ekitaldi antolatu dituzte auzotarrek ostegunerako. 20:15an jarri dute hitzordua.

Udaburuko sua piztuko dute ostegunean.

Aurtengo San Joan bezpera ospatzeko hainbat ekintza antolatu dituzte Elizaldeko auzotarrek elkarlanean, festa giroan emango diote ongi etorria udari.

20:15an jarri dute osteguneko (hilak 23) hitzordua, auzoan, egur, kartoi eta paperekin su handia prestatzeko. Ondoren, Haurtzaro Dantza Taldeak San Joan bezperako soka dantza eskainiko du. 21:00etan, aldiz, Udaburuko sua piztuko dute Done Eztebe plazan, eta jarraian, bertaratutakoen artean Jondone Johane dantzatuko dute. 21:15ean sabelak beteko dituzte, bertan erreko diren sardinekin eta sagardoarekin. 

 

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.