Koldo Mitxelena ikastetxearen patioa estaltzeko lanak, lizitazio fasean
Kirol-pista estaltzeak askotariko ekintzak egiteko aukera emango du, baldintza meteorologikoak edozein direla ere.
![](https://oarsoaldea.hitza.eus/site/files/2022/06/markola-eraikinean-estaliko-den-patioa.png)
Errenteriako Udalak lizitaziora atera ditu Koldo Mitxelena ikastetxearen Markola eraikineko patioaren estalkia eraikitzeko lanak. Hala, 2020an eraikin horretan egindako hobekuntzei jarraipena ematea da asmoa, eta 2019-2023 Agintaldi Planean jasotakoa betetzea. Kirol-pista estaltzeak aukera emango du aire zabalean eskolak, kirol-jarduerak eta bestelako ekitaldiak aurrera eramateko, eguraldiaren menpe egon gabe.
Lanek ia 695.000 euroko aurrekontua izango dute, eta erdia baino gehiago, 354.000 euro, Eusko Jaurlaritzak jarriko ditu.