Digitalizaziorako eta trantsizio ekologikorako laguntzak emango ditu udalak
Merkataritza, ostalaritza eta zerbitzuen sektoreetako enpresek eskatu ahalko dute, eta 450.000 euroko aurrekontua izango du.
Errenteriako Udalak diru-laguntzen lerro berri bat abiatu du herriko enpresei digitalizazioan eta trantsizio ekologikoan laguntzeko. Neurria merkatari, ostalari eta zerbitzuen sektoreko enpresei zuzenduta dago, baina taxilariek, salmenta ibiltarian aritzen direnek eta salmenta zuzena egiten duten tokiko ekoizleek ere laguntza eskatu ahalko dute.
Deialdia hiri-ekonomiako eragileekin elkarlanean landu da, eta hasierako aurrekontua 450.000 eurokoa izango da. Gehienez ere, enpresa bakoitzeko 4.500 euro jasoko dira: 1.500 euro eraldaketa digitalerako, eta 3.500 euro trantsizio digitala bultzatzeko. 2021eko irailaren 1etik 2022ko abenduaren 31ra bitarte egindako gastuak lagunduko dira; eskaerak egiteko aukera 2022ko azaroaren 18ra arte egongo da.
