'Hemen gaude, dena ongi' antzezlanak emango dio bukaera ikasturteari
Oiartzungo Antzerkizale Elkarteak "oparitxo bat" egin nahi die ostiral arratsaldean oiartzuarrei, "euren antzerkizaletasuna eskertzeko".
![](https://oarsoaldea.hitza.eus/site/files/2022/07/img-20220703-wa0001.jpg)
Ikasturteko antzerki programazioari bukaera emango diote ostiral honetan (hilak 8), kale antzerki saio berezi batekin. Rouge Elea taldearen Hemen gaude, dena ongi antzerki-zirku saioa eskainiko dute Beheko Plazan, doan gainera. Oiartzungo Antzerkizale Elkarteak “oparitxo bat” egin nahi die oiartzuarrei, “euren antzerkizaletasuna eskertzeko”. 19:00etan izango da hitzordua.
Irailean ekingo diote ikasturte berriari.