Tren Berdea, martxan ostegunetik aurrera
Errenteriako hirigunea eta San Marko gotorlekua lotuko ditu ostegunetan, eta lau joan-etorri egingo ditu. Zerbitzua doakoa izango da.
Uztailaren 7tik aurrera Tren Berdea jarriko du martxan udalak San Marko gotorlekura igotzeko. Zerbitzua uztail eta abuztuko ostegunetan eskainiko da, eta doakoa izango da. Trena Tulle kaleko autobus geltokitik aterako da, eta Beraun kaleko 15. zenbaki parean geldialdi bat egingo du gotorlekura igo aurretik. Zerbitzua orduero eskainiko da: San Markora joateko, 9:45ean hasi eta 12:45 bitarte; itzulerarako, 11:15ean izango da lehena, eta 14:15ean azkena. Erreserba egitea beharrezkoa izango da irteera eguna baino astebete lehenagotik 24 ordu lehenago arteko tartean. Erreserba egiteko hiru modu daude: aurrez aurre turismo bulegoan, telefonoz 943 49 45 21 zenbakian, edo posta elektronikora mezua bidalita.
Uda honetan, gainera, Aizpitarteko kobazuloei buruzko erakusketa bat bisitatzeko aukera izango dute gotorlekura joaten direnek.
