Bonuen kanpaina berrira atxikitzeko epea, zabalik
Herriko merkatari, ostalari eta zerbitzu emaileak irailean hasiko den kanpainan parte hartzera animatu nahi ditu udalak.
Argazkia: errenteria.eus Iragan urteetako arrakastaren ostean, aurten ere bonu kanpaina egongo da Errenterian. Hori dela eta, bertara atxikitzeko epea zabalik dago herriko merkatari, ostalari eta zerbitzu emaileentzat. Kudeaketa mailan egongo diren aldaketak direla eta, aurreko kanpainetako izen-emateek ez dute baliorik izango. Hortaz, parte hartu nahi dutenek berriro eman beharko dute izena. Horretarako, formulario hau bete eta Errenkoalderen bulegoan edo udalaren ZU! arreta zerbitzuan entregatu behar da. Telematikoki entregatzeko aukera ere egongo da, errenteria.eus guneko tramite elektronikoetan.
Bonuen kudeaketa, mugikorretik
Aurten, bonuen balidazioa eta ordainketa automatizatu egingo dira, atxikitutako establezimenduek Bizi Errenteria izeneko mugikorretarako aplikazioaren bidez kudeatuko baitituzte euren bonuak.
Herritarrei dagokienez, kanpaina aurrekoen baldintza berberetan egingo da.
