Lau Haizetara koordinatzaile bila ari da
10 hilabeteko kontratua eskaintzen du, irailaren 1ean hasi eta 2023ko ekainaren 30 arte. Uztailaren 17ra arte dago izena emateko aukera.
Argazkia: Lau Haizetara Lau Haizetara elkarteak koordinatzaile berria behar du. Eginbehar nagusiak Lau Haizetarako bulego lanak kudeatzea eta haren jarduna koordinatzea izango dira. Horrez gain, Euskaraldiko urtea izaki, hiztunen ahalduntze eskolaren proiektu pilota ere dinamizatu beharko du. Bilatzen duten pertsonak, besteak beste, ezaugarri hauek izatea nahi dute: komunikatzaile ona, konprometitua eta administrazio lanetan aritua izatea. Lan eskaintzaren xehetasun guztiak hemen aurki daitezke.
Interesa izanez gero, uztailaren 17ra arte dago curriculumak posta elektronikoz bidaltzeko aukera.
