Ostiralera atzeratu dute Euskara batzordearen bilera
Ostegunean (hilak 14) egin beharrean, egun bat atzeratzea erabaki dute. Bertaratu ezin dutenei jakinarazteko eskatu die udalak.
![udaletxea oiartzun](https://oarsoaldea.hitza.eus/site/files/2022/01/udaletxea-oiartzun.jpg)
Euskara batzordea egiteko eguna aldatu dutela jakinarazi berri du udalak. Hilaren 14an (osteguna) egin beharrean, egun bat atzeratuko dute, hau da, datorren ostiralean (hilak 15) bilduko dira. 11:00etan jarri dute hitzordua, udaletxeko areto nagusian.
Ondorengo gaiak eztabaidatuko dituzte ostiraleko bilkuran:
- XXXV. Xabier Lete Prosa eta poesia lehiaketaren oinarriak onartzea.
- Euskara ikasteko bekak: 2021-2022 ikasturtean neguko euskara ikastaroetan parte hartu duten oiartzuarren bekak onartzea. 2021eko azaroan onartutako beken bigarren zatien onarpena eta ordainketa, eta ikasturte osoko gainerako eskaerak onartzea eta ordaintzea.
- Egia, aitortza, erreparazioa emanaldia antolatzeko, zuzeneko dirulaguntza ematea Ttur-ttur Euskaltzaleon Bilguneari.
- Oiartzuarren Baitan, Txerri Eguna, Euskara Elkartera, Motibazio Saioak Gazteentzat eta Kuadrillategi programak gauzatu ahal izateko, Udala eta Ttur-Ttur Euskaltzaleon Bilgunearen arteko 2019-2022 tarterako lankidetza hitzarmenaren araberako 2022ko ekarpena aldatzea.
- 2020-2023 bitarteko (biak barne) Prosa eta Poesia Lehiaketako lan sarituen liburuxkaren bilduma diseinatu, maketatu, inprimatu eta entregatzeko kontraturen moldaketa onartzea.