'Udalsarea 2030'ekin hitzarmena berritu du udalak
Era horretan, udalak NBEk 2030erako Agendan ezarritako helburuak betetzen aktiboki laguntzeko konpromisoa hartzen du.
![](https://oarsoaldea.hitza.eus/site/files/2022/07/agenda-2030-sarea.jpg)
Lezoko Udalak hitzarmena berritu du Udalsarea 2030 udalerri jasangarrien euskal sarearekin. Hala, NBEk Garapen Jasangarrirako 2030 Agendan ezarritako helburuak betetzen laguntzeko konpromisoa hartu du udalak, bere politika publikoetan eta udal-kudeaketan horiek txertatuz. Izan ere, Lezo 2030 Agenda eta bere ekintza-plana amaitzear dira, eta tresna hori izango duen Gipuzkoako lehen udalerrietako bat izango da. Erreminta horrek udalerriaren etorkizuneko oinarriak ezartzeko balioko du.