[Argazki galeria] Urdinarekin nahastu da gaurkoan gorri kolorea
Euskal jaien eguna da gaur eta gorriarekin partekatu du protagonismoa urdin koloreak. Antxo osotik jarduera desberdinak egin dira: toka eta pala txapelketak eta herri kirolak, esaterako.
Herri kiroletan aritu dira zumardian. San Fermin jaien asteburuko lehen eguna izan da gaurkoa, Euskal jaia, eta denetariko jarduerak egin dira Antxon. Axular plazan toka txapelketa egin dute jubilatuek, eta jarraian, herri kirolak egin dituzte familia giroan. Topagunean Biren talde ondarroarrak kontzertua eskaini du.
Ibaiondo pilotalekuan haurren pala txapelketaren finalerdia eta finala jokatu dute ere. Txapelketa osoan zehar 36 bikote lehiatu dira, eta finala Jokin eta Juan Carlos, eta Ander eta Zotik osatutako bikoteek jokatu dute, 23 eta 25 amaitu da partida. Antolatzaileen arabera “azken urteetako final ikusgarriena” izan da gaurkoa, “lehia estua” izan baita.
