Aire zabaleko ihes-joko bat antolatu dute herrian datorren astelehenean
Minbiziaren Aurka Gipuzkoan elkarteak prestatu du, eta eguzkiaren arriskuez eta bizimodu osasuntsu bat izatearen garrantziaz ariko dira. 5 eta 13 urte bitarteko haurrek hartu ahalko dute parte.
Kanpainaren aurkezpena. Argazkia: urolakosta.hitza.eus Hurrengo astelehenean, uztailaren 18an, aire zabaleko ihes-joko bat antolatu du Minbiziaren Aurka Gipuzkoan elkarteak, abian duen Uda Osasungarria kanpainaren baitan. Eguzki erradiazioaren aurrean zaintzeaz ariko dira —azaleko minbizia da gehien eragiten duen minbizia—, baina baita bizimodu osasungarri bat izatearen garrantziaz ere: aisialdi aktiboa, ongi hidratatzea eta behar bezala elikatzea, besteak beste. 5 eta 13 urte bitarteko haurrentzat zuzendutako ekintza izango da.
Aurrez, Hondarribian, Aian, Irunen eta Azpeitian egin dute.
