Hiltzaile kluberako kide bila dabil Biyurrienea
Izena ematen dutenek abuztuaren 2an posta bidez mezu bat jasoko dute, zein eta nola hil behar duten zehaztuz. Jokoa, abuztuaren 2an bertan hasiko da, txupinazioarekin.
Xanistebanerako bi aste eskas falta diren honetan, herriko gazteak motorrak berotzen hasi dira jada. Eta urteroko ohiturekin jarraituz, hiltzaile kluba izeneko jokoan parte hartzera deitu dituzte Oiartzungo gazteak. “Prestatu zure herrikideak jolas, irriz eta biyurrikeriz hiltzeko”.
Hilaren 23a (larunbata da) izango da apuntatzeko azken eguna (hemen egin daiteke). Izena ematen dutenek abuztuaren 2an posta bidez mezu bat jasoko dute, zein eta nola hil behar duen zehaztuz. Jokoa, abuztuaren 2an bertan hasiko da, txupinazoarekin.
Beste partaide bat hiltzerakoan haren izena Biyurrieneko hilerrian eskela jarriko dute. Abuztuaren 6ko 00:00etan bukatuko dute jokoa.
