'Santiyuk' jaietarako truk txapelketa antolatu dute
Hilaren 23an (larunbata da) jokatuko dute txapelketa, Iturriotz auzoko Iturri Berri elkartean. "Sari mundialak" egongo direla aurreratu dute antolatzaileek.
Iturriozko ‘santiyuk’ jaietarako astebete eskas falta den honetan, Iturri Berri elkarteak truk txapelketaren berri eman du. Elkartean bertan egingo dute txapelketa, larunbatean (hilak 23). 16:30ean ekingo diote lehiari. “Sari mundialak” egongo direla aurreratu dute elkartekoek. Irabazleek txapel bana, bi lagunentzako mariskada eta arkume bat irabaziko dute; bigarren sailkatuek arkume bat eta langostino kaxa bat jasoko dute opari; hirugarrenek aldiz, bi oilasko eta bi ardo zein txakolin botila.
Apuntatzeko 20 euro ordaindu beharko dira.
