[Galeria] Giro paregabean joan da madalen goiza
Herri kirolak, muxikoak, buruhandi eta erraldoiak eta Errenteriako Musika Bandaren emanaldia izan dira herrian goizean zehar.
Atzo hasi ziren festak, eta, horiekin jarraituz, festen lehen goiza izan da gaurkoa. Ez nolanahikoa, gainera: gaur madalen eguna da. Egitarauari erreparatuta, errenteriarrek izan dute zer aukeratu. 12:00etan hasita, herri kirolak izan dira Koldo Mitxelena eskolaren patioan. Bertan izan dira, besteak beste, Irati Astondoa eta Jokin Alberdi Txikia IV.a aizkolariak eta Jokin Eizmendi harri-jasotzailea.
Ordu erdi beranduago, 12:30ean, muxikoen txanda izan da Panier gunean. Bertan ere umore onean aritu dira dantzan, erdizka eta pika artean. Ordu berean hasi da Errenteriako Musika Bandaren emanaldia, Foru plazan. Muxikoetan ez bezala, kasu horretan jendeak nahiago izan du kontzertua eserita ikusita. Jarritako aulkiak bete egin dira, ordea, eta gainontzekoek plazan zehar topatu behar izan dute eurentzako lekua.
Amaitzeko, buruhandi eta erraldoiek txikienen laguntzarekin herriko kale nagusiak zeharkatu dituzte, festa herriko txoko guztietara zabaltzeko.
HITZAk jarraipena egin die aipaturiko ekitaldi horiei guztiei, eta argazkietan bildu ditu.
Aldi berean, HITZAren Agenda atalean, madalenen egitarau ikus daiteke. Honakoak dira datozen egunetarako hitzorduak (klik egin egun bakoitzean):
