Donostiako Klasikoak trafiko mozketak ekarriko ditu larunbatean
Nafarroako etorbidea itxita egongo da Larzabal, Niessen eta Lezo artean, 14:35etik 17:00etara. Gidariei ordezko bideak erabiltzea eskatzen zaie.
Nafarroa etorbidea. Larunbatean izango da Donostiako Klasikoa txirrindulari lasterketa, eta proba hori dela eta, Udaltzaingoak trafikoaren gaineko zenbait neurri ezarri ditu.
Zirkulazioari dagokionez, Nafarroa etorbidea, Larzabaleko biribilgunetik Niesseneko biribilgunera, eta azken biribilgune horren eta Lezoko biribilgunearen arteko zatia itxita egongo da, gutxi gorabehera 14:35etik 17:00etara. Une jakin batzuetan trafikoa ireki ahal izango dela zehaztu dute udaletik, lasterketa bitan pasako baita Errenteria-Oreretako erdigunetik.
Beharrezkoak ez diren itxaronaldiak saihesteko, gidariei eskatzen zaie ordutegia kontuan har dezatela eta ordezko bideak erabil ditzatela Nafarroa etorbidera joateko. N-1 errepideko saihesbidea eta erdialdeko kaleak erabiltzea gomendatzen da auzoetara sartzeko.
Horrez gain, erdigunetik oinez joateko asmoa duten herritarrei eskatzen zaie kontuan har ditzatela aipatutako ordutegi horiek eta arretaz ibil daitezela lasterketako ibilbideak eragindako oinezkoentzako pasabideak zeharkatzean.
Nafarroako etorbidean eragindako eremuan dauden garajeetan aparkatzen dutenek kasu horietan erabili ohi diren sarbideak erabili beharko dituzte.
