Errenteriako naturaguneetan doako bisita gidatuak, abuztutik aurrera
Añarbeko Baso Erreserba, Aizpitarteko kobazuloak, Lau Haizeta Parkea eta Aldura, Pertxel eta Igantziko bazterrak ezagutu ahal izango dira.
Errenteriako Listorreta-Barrengoloiako guneak doako bisita gidatuak antolatu ditu Errenteriako ingurune naturalean. Bisita horietan Aiako Harriko Parte Naturaleko ondare naturala eta kulturala ezagutzeko aukera izango da, gida espezializatu baten laguntzarekin. Inguruko lau gune esanguratsuetara antolatu dituzte bisitak. Abuztuaren 6an hasiko dira lehenarekin, eta urriaren 23an izango da azkena. Honakoak dira prestatu dituzten bisitak eta horietako bakoitza izango den eguna:
- Lau Haizeta Parketa eta Txoritokietako Estazio Megalitikoa: abuztuaren 6an, irailaren 4an eta urriaren 1ean. Abiapuntua San Marko gotorlekutik izango da, eta 3 orduko iraupena izango du.
- Aizpitarteko kobazuloetako aztarna paleolitikoak: abuztuaren 14an, irailaren 10ean eta urriaren 9an. Listorreta-Barrengoloiako Parke Naturaleko bulegotik abiatuta, ordu eta erdiko iraupena izatea aurreikusten da.
- Añarbeko Baso Erreserba: abuztuaren 20an, irailaren 18an eta urriaren 15ean. Idoia (Susperregi) jatetxetik hasita, 4 orduko iraupena izango duen ibilaldia izango da.
- Aldura, Pertxel eta Igantzi mendietako ingurunea: abuztuaren 28an, irailaren 24an eta urriaren 23an. Abiapuntua Idoia (Susperregi) jatetxea izango da, eta 4 orduko iraupena izango du.
Bisita guztiak 10:00etan abiatuko dira, eta beharrezkoa izango da aldez aurretik erreserba egitea. Horretarako, Errenteriako Turismo Bulegora jo, 943 49 45 21 telefono zenbakira deitu edo posta elektroniko bat bidali beharko da.
