Oiartzungo Asanblada Feminista: “Eroso ez bazaude erasoa da”
Gaur arratsaldean agerraldi feminista egin dute Oiartzungo Asanblada Feministako kideek herritarrez lagunduta. Feminismoaren ‘konplize’ izatera animatu nahi izan dituzte herrikideak.
Gaur arratsaldean egin duten agerraldi feminista. Xanisteban jaien atarian Oiartzungo Asanblada Feministak “mezu zuzen eta indartsu” bat zabaltzeko asmoz egin du agerraldi feminista.
Herriko plazan jende andana bildu da Oiartzunen inongo erasorik onartuko ez dutela aldarrikatzeko. “Ez dugu emakume bat bera ere deseroso sentitzerik nahi, ez dugu LGTBIQ+ foboa den erasorik onartuko eta pertsona arrazializatuei irribarre batekin egingo diegu ongi etorria”.
Oiartzungo Asanblada Feminista lanean aritu da Oiartzunen jai feministak sortzeko. Egunez zein gauez, dantzan edo abesten askatasunez gozatzeko eskubidea aldarrikatu dute. Halaber, erasorik bizi ez gero salatzera animatu nahi izan dituzte herritarrak. Festak dirau bitartean txosnagunean txosna feminista ezarriko dute eta herriko plazan ‘erasoak salatzeko gune segurua’ deituriko karpa bat egongo da.
Oiartzungo herritarrei bereziki, jai feministak izan daitezen saretzeko, eta babesa emateko konpromisoa hartzeko eskatu dute Asanblea Feministako kideek, era horretan, guztien artean espazio seguruak sortzen laguntzeko. Azken finean “feminismoaren konplize” izan daitezen eskatu dute.
Aldarrikapenez gain, protokolo feminista zabaltzeko baliatu dute agerraldia. Protokoloan eraso bat ikusi edo jasan ez gero jarraitu beharreko pausuak azaltzen dira.
Agerraldiari amaiera emateko “kaleak eta gauak gureak dira!” ozen oihukatu dute.
Herria ‘morez jantziko duen’ ekintzak
Hilak 4
- 14:30 Bazkari feminista Zimitiyuan.
- 17:00 Bertso saio feminista: Alaia MArtin, Maialen Lujanbio eta Oihana Iguaran.
Hilak 5
- 18:00 ‘Hariak, jostorratzak eta zauriak’ ahozko narrazioa Mireia Delgadoren eskutik.
Hilak 6
- 18:00 ‘Gu Agustina’ ikuskizuna.
Hona hemen arratsaldeko agerraldi feministako argazki batzuk.
