[Galeria] Lehia bizia Oiartzungo Auzoen Arteko 34. Sokatira Txapelketan
Aurtengo edizioan emakumezko lau taldek eta gizonezkoen zapik parte hartu dute Artasoro elkarteak antolatutako txapelketan.
Oiartzungo Auzoen Arteko 34. Sokatira Txapelketa Beroketa lanak egin ondoren, arratsaldeko 16:30ean ekin diote Xanistebanetako Oiartzungo Auzoen Arteko 34. Sokatira Txapelketari. Madalensoro pilotalekuan gauzatu da lehiaketa. Aurtengo edizioan emakumezko lau taldek eta gizonezkoen zapik parte hartu dute Artasoro elkarteak antolatutako txapelketan.
Tiraldiak zozketa bidez erabaki dituzte eta talde bakoitzak, gehienez, 640kg pixatu behar izan dute taldeko partaide guztien pixuak batuta. Talde bakoitzeko partaideak banan banan aurkeztu dituzte.
Hauexek izan dira taldeak:
Nesketan: Ergoien, Gurutze, Karrika eta Iturriotz.
Gizonezkoetan: Ergoien, Gurutze, Karrika, Iturriotz, Altzibar, Arragua eta Ugaldetxo.
Mutilen kasuan, azken edizioan baino auzo bat gehiagok parte hartu du lehiaketan. Berri on hori aprobetxatuz, Oiartzungo azken auzoari datorren urtean parte hartzera animatzeko dei egin diote. “Elizaldekoak bakarrik falta dira ekitaldi polit bat egiteko” aipatu du bozgoragailuetatik Birjilio Labandibar aurkezleak.
Gizonezkoetan Ergoien auzoko taldea izan da irabazlea. Emakumeezkoetan berriz, Gurutze.
Hona hemen txapelketako zenbait argazki:
