[Galeria] Done Eztebe plaza gorriz tindatu dute gazteek
Herriko plaza nagusia txiki geratu zaie herri bazkarira hurbildu diren ehunka gazte oiartzuarrei. Jan eta edanez ospatu dute Xanistebanen bosgarren eguna.
Gazte kuadrillek herri bazkariaz gozatu dute. Xanistebanen bosgarren egunean iritsi da gazteen txanda. Gaur eguerdian Done Eztebe plazan bildu dira ehunka gazte Biyurrieneak antolatutako herri bazkari goxo batez gozatzeko. Arratsaldeko 15:30ean ekin diote bazkaltzeari eta herriko plaza gorriz tindatu dute Gazte Eguneko kamisetekin.
Jana eta edaria eskuratzeko ilara luzeak sortu dira, baina pazienteki itxaron du nork bere txanda. Goiz lainotsu baten ondoren, eguzkia lagun izan dute oiartzuarrek eta beroari aurre egiteko ur pistolekin hornitu dira zenbait. Beste batzuk aldiz, beroa aurreikusi eta hondartzako itzalkinak eta txapelak ekarri dituzte. Jai giroa ez da falta izan.
