Astelehenean irekiko da Xenpelar Tailerretan izena emateko epea
Matrikula online egin ahal izango da. Izen-ematea presentzialki egin nahi duenak irailaren 12tik 15era izango du horretarako aukera.
Datorren astelehenean, irailaren 5ean, abiatuko da Xenpelar Tailerren 2022-2023 ikasturteko matrikulazio kanpaina. Matrikula Kultura Kreaktiboaren webgunean egin ahal izango da, 10:00etatik aurrera, irailaren 16ko 22:00ak arte. Izen-ematea modu presentzialean egin nahi duenak, ordea, irailaren 12tik 15era izango du aukera ZU! Arreta Zerbitzuan. Horretarako, baina, beharrezkoa izango da aurrez hitzordua eskatzea 943 44 96 00 edo 010 telefono zenbakira deituta.
Matrikulazioa modu batean edo bestean egin, interesdun guztiek plaza lortzeko aukera bera izango dute. Izen-emateak, beraz, ez du plaza bermatuko, eta ordenak ez du lehentasunean eraginik izango: eskaera kopurua plaza kopurua baino handiagoa den ikastaroetan esleipena zozketa bidez egingo da.
Aurten, helduei zuzendutako 50 ikastaro eskainiko dira, astean 2 eta 6 ordu bitartekoak. Eskaintza osoa hemen kontsulta daiteke. Ikastaroak urriaren 3ko astean hasiko dira.
