Estanis Karrerak erretiroa hartu du
37 urte egon da Musika Eskolan lanean, eta azken urteetan bandaren zuzendaria ere izan da. Egindako lana eskertzeko omenaldia egin dio udalak.
Estanis Karrera Sarasola, udalak eginiko eskertza jasotzen.. Estanis Karrera Sarasolak erretiroa hartu du. 37 urte igaro ditu Tomas Garbizu Musika Eskolan lanean, eta 63 urterekin eman dio amaiera bere ibilbide profesionalari. Denbora horretan guztian, ehunka lezoarrei irakatsi die musika. Gainera, azken urteetan Lezoko bandaren zuzendaria ere izan da Karrera. Udalak bere lana eskertzeko omenaldia egin dio Pleno Aretoan, Jesus Mari Martiarena alkatea buru. Hemendik aurrera musika beste talaia batetik gozatuko du, baina Munttar Txistulari Elkartean txistua jotzen jarraituko duela adierazi du lezoarrak.
