Pilota Eskolan izen ematea zabalik
Benjaminen, kimuen eta haurren taldeak sortu nahi dituzte. Izen emateen arabera ezarriko dituzte taldeak eta entrenamendu orduak.
Lezoko Arkirun Pilota Klubak jakinarazi du herriko Pilota Eskolan 2022-2023 ikasturterako izena emateko epea zabaldu dutela. Ikastetxeen bitartez jasoko dute informazioa haurrek, Eskola Kirolaren barrukoa baita egitasmoa. Hala, pilotan sakondu nahi dutenek 663 17 30 66 telefono zenbakira deitu behar dute izena emateko; informazio gehigarri nahi dutenek ere hara hots egin behar dute.
Benjaminen (LH3 eta LH4ko haurrak), kimuen (LH5 eta LH6) eta haurren (DBH1) taldeak osatu nahi dituzte. Horiei begirakoa da Lezoko Pilota Eskolaren eskaintza. Horrela, izena ematen dutenen kopuruaren arabera osatuko dituzte taldeak, eta aldi berean, entrenamenduetarako egun eta orduak ere ezarriko dituzte.
