19.600 lagunek hartu dute bainua udako igerilekuan
Iaz baino 4.000 erabiltzaile gehiagok gozatu dute uda igerilekuan. Uztaila izan da hilabeterik jendetsuena, nabarmen.
Pasa den igandean itxi zuten udako igerilekua, hiru hilabeteren ondoren. Horren harira, Oiartzungo Udalak erabiltzaileen kopuruarekin osatutako datuak publiko egin ditu.
Ekainaren 11n ireki zuten aisian gozarazten eta freskatzen laguntzen duen instalazioa. Irailaren 11ra arte, guztira, 19.000 erabiltzaile izan ditu udako igerilekuak.
Hilabete jendetsuena, modu nabarmenean, uztaila izan da. Izan ere, erabiltzaile kopuruaren ia erdia pilatu du hilabete horrek. 9.263 lagun hurbildu ziren hil horretako 31 egunetan. Pasa den urtearekin alderatuta, igoera handia izan da erabiltzaile kopuruan. Izan ere, ia 4.000 erabiltzaile inguruan hazi da kopurua.
Iazko uztailean eguraldi kaskarra egin zuen, eta aurten, berriz, egun eguzkitsuak besterik ez dira egon.
Datu osoak beheko taulan ikus daitezke:
- Ekaina: 3.182 pertsona.
- Uztaila: 9.263 pertsona.
- Abuztua: 5.476 pertsona.
- Iraila: 1.724 pertsona.
