Khegal enpresa bisitatu dute Garapen Mahaiko kideek
Enpresak prezisio handiko mekanizatuak egiten ditu. Bost ardatzetako tekniketan espezialistak dira, eta 4.0 industria tekniketan aitzindari.
Herriko ehun sozio-ekonomikoa ezagutzeko eta babesteko ekimenen barruan, Khegal Aeronautica SL enpresa bisitatu du Ekonomia Garapen Mahaiak, Aizpea Otaegi Mitxelena alkatea buru. Bisitan enpresa eta bere negozio eredua ezagutzeko aukera izan dute.
Khegalek prezisio handiko mekanizatuak egiten ditu. Bost ardatzetako tekniketan espezialistak dira, eta 4.0 industria tekniketan aitzindari. Enpresa Oiartzunen sortu bazen ere, egun Egiburuberri industrialdean du egoitza, eta aeronautika, nautika eta petrolioaren alorretan aritzen da, besteak beste.
