'Atsolorra: amatasuna feminismotik hizpide' tailerra eskainiko du Parean Elkarteak
Eskola Feministaren barruan antolatutako lau tailerretako bat izango da. Urriaren 25ean eta azaroaren 8an saio bana eskainiko dute Emakumeen Etxean.
Emakumeen Etxean izango dira ekintzak. Aurtengo Eskola Feministaren barruan tailer berezia eskainiko dute Parean Elkartekoek. Datorren urriaren 25ean eta azaroaren 8an saio bana eskainiko dute Emakumeen Etxean, ‘Atsolorra: amatasuna feminismotik hizpide’ izeneko tailerrarekin. 2022-2023 ikasturtean eskainiko dituzten lau tailerretako bat da Pareanek eskainiko duena.
Bestelakoak bezalaxe, tailer hau ere doakoa izango da, eta izena eman beharko da hilaren 29ra bitarte. Bi modutara apuntatu daitezke interesa duten emakumeak: aurrez aurre ZU! Zure Udala Arreta Zerbitzuan (hitzordua eskatu behar da) edo online udaleko webgunean.
Informazio gehiago jasotzeko edota zalantzak argitzeko 943 44 96 30 telefonora hots egin daiteke, edo bestela, Emakumeen Etxetik pasa, astelehen eta ostiraletan 09:00etatik 13:00era, eta astearte, asteazken eta ostegunetan 16:00etatik 20:00etara.
