Lehen mailako bertso festa jasoko du Niessenek
Andoni Egaña, Aitor Mendiluze, Maialen Lujanbio eta Jon Maia igoko dira oholtzara datorren urriaren 15ean. Sarrerak dagoeneko eskura daitezke, 10 euroan.
![Niessen kulturgunean izango dira proiekzioak.](https://oarsoaldea.hitza.eus/site/files/2022/09/24401403115_28f3e026b1_b.jpg)
Datorren urriaren 15ean (larunbata da) lehen mailako lau bertsolari zuzenean ikusteko aukera egongo da Errenteria-Oreretan, bertso festa antolatu baitu Erein elkarteak eta hainbat eragilek. Andoni Egaña, Aitor Mendiluze, Maialen Lujanbio eta Jon Maia igoko dira Niessen kulturguneko oholtzara, 19:00etatik aurrera. Unai Elizasuk egingo ditu gai jartzaile lanak.
Sarrerak dagoeneko eskura daitezke, 10 euroren truke, Sindikato eta Arkaitza tabernetan edo Xenpelar Kultur Dendan. Bestela, esteka honetan ere eros daitezke.