Altamirako igogailurako 80.000 euro eman ditu aldundiak
Jaurlaritzak beste 300.000 euro eman ditu igogailua finantzatzeko, beraz, udalak lanen kostuaren erdia ordaindu beharko du.
Joxean Sanchez (PSE-EE), igogailuko lanen alboan. Lezoko PSE-EEk jakinarazi du Altamirako bigarren igogailuaren eraikuntza finantzatzeko 80.000 euro eman dituela Gipuzkoako Foru Aldundiak, Mugikortasuneko eta Antolamenduko sailaren bitartez. Horri, Eusko Jaurlaritzak emandako 300.000 euroak erantsi behar zaizkio, Lurralde Plangintza, Etxebizitza eta Garraio Sailak bideratutakoak. Obra osoaren prezioa 715.918 eurokoa da, beraz, Lezoz kanpoko erakundeek kostu osoaren erdia baino gehiago emango dute. “Aldundiak emandako laguntza Pasaialdeko hiri espazioak eta ekipamendu degradatuak birgaitzeko eta berreskuratzeko duen helburuaren barruan sartzen da», azaldu du Joxean Sanchezek, Lezoko PSE-EEren udal taldearen eledunak.
Aldundiaren ekarpena “aparteko albistea” dela uste du Sanchezek, “proiektu horren bideragarritasun ekonomikoa bermatzen baitu”. PSE-EEko kideak zehaztu du Altamira auzoan biztanle asko daudela, eta askok irisgarritasun arazoak dituztela, “hortaz, bigarren igogailu honek bizilagunen aspaldiko aldarrikapenari erantzuten dio. Funtsezkoa izango da auzoaren irisgarritasunerako”.
Aldundiaren eta Jaurlaritzaren ekarpen ekono0mikoari esker, udalak ditu gutxiago inbertituko du igogailu hori eraikitzeko lanetan. Horrek udalari diru aurrezkia ekarriko diola azaldu du PSE-EEko kideak. “Hasiera batean igogailua eraikitzeko zen ditu hori udalerriaren beste behar batzuk finantzatzeko erabiliko da. Oxigeno baloia da”. Horrela, erakundeen arteko elkarlana goretsi du Sanchezek.
