Ikasturteko lehenengo udalbatzarra egingo dute etzi
Hamabi puntukoa izango da gai-zerrenda. Datorren urteko Udal Zerga Ordenantza aztertuko dute, besteak beste.
Udalbatza berriro elkartuko da asteazkenean. Abuztuan etena egin ondoren, etzi izango da ikasturteko lehenengo plenoa. 18:00etan hasiko da udalbatzarra, eta hamabi izango dira jorratuko dituzten puntuak. Tartean izango da datorren urteko Udal Zergen Ordenantza.
Gai zerrenda
1. Aurreko batzarrari dagokion aktaren onarpena.
2. Udal Zerga Ordenantzaren 2023. urterako aldaketen hasierako onarpena.
3. 2022. urteko lanpostuen zerrendaren aldaketa.
4. Oiartzungo Udaleko giza baliabideak arrazionalizatzeko Plan Estrategikoa (aurre erretirorako pizgarria eta plantilla berritzeko neurriak) etetea.
5. Kontratazio Mahaiko kideen izendapen-aldaketa.
6. Oiartzungo bide publikoen inbentarioko Ibarburu bidea segregatu eta ondasun izaerara aldatzearen behin betiko onarpena.
7. Oiartzungo udalaren Ibarburu bidea eta Zinur Gain S.L. enpresaren Ibarburu baserriko lurren arteko trukaketa onartzea
8. Ozentzio 31ko eraikinean jarritako igogailua lur pribatuan jarri izanaren adierazpena onartzea.
9. 06/2022 zenbakiko kreditu aldaketaren onarpena.
10. Beste ekitaldietako ordainagiriak baliogabetzea.
11. Beste organoen jardueraren jarraipena.
12. Eskari-galderak.
