Alternatiben Oihartzuna eguneko bazkarirako sarrerak, salgai
Miren tabernan eta txokolategian eros daitezke sarrerak, aste honetan. Hilaren 22an izango da Alternatiben Oihartzuna.
Orain dela sei urte eta erdi egin zuten lehen aldiz Alternatiben Oihartzuna. Aurtengo bigarren ekitaldia izango da.
Hilaren 22an, Oiartzunen “burujabetza eta eraldaketa” lantzen duten eragileek Alternatiben Oihartzuna egingo dute. Beraien helburua eragile horien topagune izatea da, baita beraien lana gainontzeko herritarrrekin partekatzea ere.
Egun osoko egitarau oparoa prestatu dute. Tartean da herri bazkaria. Nahi duen oro joatea gonbidatu dute. Herriko produktuak eskainiko dituzte bazkaltzeko, eta aukera beganoa egongo dela nabarmendu dute.
Txartelak Miren tabernan eta txokolategian salgai daude, 10 euroren truke. Datorren igandean (hilak 16) izango da txartela erosteko azkeneko eguna.
