Ezkabako Ihesaren bideko laugarren etapa egingo du Giriziak
Nafarroa Garaia eta Beherearen artean ibiliko dira Oiartzungo mendizaleak, hilaren 23an. Izena eman daiteke.
Girizia mendi taldeak Nafarroan txangoa prestatu du, hilaren 23rako. Ezkabako Ihesaren laugarren etapa egingo dute, Sorogain eta Urepele lotuz.
Igande goiz horretan goizean goiz geratuko dira, 07:30ean. Lau orduko ibilbidea izango dute aurretik. Bukatzean, Zubiriko Gau Txori jatetxean bazkalduko dute.
Bidaiak eta bazkariak 40 euroko prezioa izango dute. Izena ematerakoan 20 euro aurreratu behar direla adierazi du Giriziak. Horretarako, txokolategitik pasa daiteke, edo Giriziaren webgunean sartu.