Oiarperen asteburuko partidak (2022-10-14)
Kartelera oparoa osatu du Oiartzungo pilota elkarteak. Izan ere, asteburu honetan taldeko pilotariek 22 partida jokatuko dituzte.
Oiarpeko pilotariek 22 partida jokatuko dituzte asteburu honetan (24, atzoko biak kontatzen badira). Partida gehienak txapelketen lehen faseei dagozkie, baina hiru salbuespen egongo dira.
Oiarpeko Xabat Olaiz eta Oier Zabaletak Gartzaronen (Nafarroa) jokatuko dute, Ibarlotza eta Bullonmarkinarren kontra. Bertako txapelketako final laurdenetako partida izango da, Gazte Mailan.
Txapelketa eta maila berean, Manex Olaiz eta Mikel Leonetek Lazkaoko Ibarluzea-Goiburu bikotearen kontra jokatuko dute.
Oihan Etxeberriak, berriz, Tolosan jokatuko du, Garcia errioxarrarekin batera. Migel Soroa Memorialeko partida da, final hamaseirenetakoa. Perurena eta Gabirondok osatutako bikotearen kontra arituko dira nor baino nor.
Oiarpe pilota elkarteak jokatu behar dituen partida guztien kartelera ikusteko, egin klik esteka honetan.
