Euskaldunen ahalduntze eskolan izena emateko epea, zabalik
"Ahaldundu, prestatu eta esperientzia partekatzeko" eskola izango dela dio Lau Haizetara elkarteak, "parekoari euskaraz egitean egoera deserosoak gainditzen laguntzeko asmoz".
Euskaraldiaren harira antolatutako ahalduntze eskolan izena eman daiteke jada, euskaraz bizi nahi duten herritarrei epea zabaldu berri dutela jakinarazi die Lau Haizetara topaguneak. “Ahaldundu, prestatu eta esperientzia partekatzeko” eskola izango dela diote, “parekoari euskaraz egitean egoera deserosoak gainditzen laguntzeko asmoz”.
Saioak datorren hilaren 26an hasiko dituzte, eta abenduaren 14an bukatu. Astean behin eskainiko dituzte, asteazken arratsaldetan (18:30etik 20:00etara), Lekuona Fabrikako Plaza Gorrian. “Eskaraz egiten duen, bere praktikari buruzko hausnarketa egiteko prest dagoen, euskaraz egite horri ‘etekin’ hobea atera nahi dion edo solaskide guztiekin euskaraz ariko den pertsona” orori luzatu diote gonbita.
Esteka honetan apunta daitezke herritarrak, edo bestela, helbide honetara idatzi edo 688 76 53 98 telefono zenbakira deitu daiteke.
