Bihar izango da urriko odol ematea
Odol emaleen elkarteak saioa antolatu du bihar arratsalderako. Oiartzuarrei dei egin diete odola eman dezaten.
Manuel Lekuona bibliotekan izango da zita. Oiartzungo odol emaileei bi hilean behin ateratzen diete odola, beharra dutenei bideratzeko. Urriari dagokion saioa bihar arratsaldean (hilak 18) izango da, Manuel Lekuona bibliotekan.
16:30ean hasiko da odol ematea, eta 20:10era arte luzatuko da. Antolatzaileek gogorarazi dutenez, telefonoz hartu beharko da zita, odol emate egunean bertan, 09:00etatik aurrera. Modu horretan, jende pilaketak eta beharrezkoa den denbora baino gehiago luzatzea saihestu nahi dute.
Tokia hartzeko, honako telefono zenbakietara dei daitekeela jakinarazi dute: 943 00 78 85 edo 943 31 70 91. Iaztik odol emateak asko jaitsi direla nabarmendu dute, eta gogorarazi dute osasun neurri guztiak zorrotz betetzen dituztela.
“18 urte badituzu eta 50 kilotik gora pisatzen baduzu, prest zaude odola emateko”, animatu dute.
Abuztuaren 16an egindako odol ematera 35 lagun joan ziren, horietako bost berriak. Honela banatu ziren odol emaileen multzoak:
- O+: 11.
- O-: 7.
- A+: 12.
- A-: 3.
- B+: 1.
- AB-: 1.
