12:00etan izango da txupinazoa. Kinta bakoitzari gune bana esleitu diote hamaiketakoa jan eta gero bazkaltzeko.
Dena prest, Biteri plazan. 
Geroz eta gertuago dago Antxoko kintoen jaia. Bihar, larunbata, 12:00etan izango da txupinazoa, eta horrekin emango diote hasiera 1.000tik gora lagun elkartuko dituen festa erraldoiari.
Suziria botata, kinta bakoitza dagokion hamaiketako-gunera hurbilduko da —txukun zehaztu dituzte horiek—, eta 14:30a aldera hasiko dira bazkariak. Gune nagusiak hiru izango dira: Biteri plaza, Ibaiondo pilotalekua eta Axular plaza.
Frontoi zaharrean bi karpa eta agertoki dotore bat jarri dituzte. Bi estalpeetako bakoitzean 140tik gora lagun elkartuko dira bazkaltzera, zazpi kinta guztira; Axularren, Zaharren tabernan, ia 100 lagun, bi kinta; Ibaiondoko lau kinten artean 180 antxotar inguru izango dira; Armonia elkartean beste bi kinta —60 bat—, eta gainontzekoak sakabanatuta egongo dira barrutiko elkarte eta taberna ia denak okupatuz.
Belaunaldi bakoitza non elkartuko den jakiteko, kontsultatu honako taula hau.
Oarsoaldeari buruzko kalitatezko informazioa eta gertukoa jaso nahi dudalako. Euskaraz bizi nahi dudalako eta hizkuntzaren biziberritzea bultzatu nahi dudalako. Herrigintza egin nahi dudalako. Oarsoaldeko euskarazko komunitatearen parte izan nahi dudalako. Oarsoaldeko herritarrok behar dugulako. Zure ekarpena behar dugu, babestu tokiko euskarazko komunikabidea.
