AIAk hitzaldi zikloa antolatu du, animalien erabilerari buruzkoa
Hiru hitzaldi antolatu dituzte, animalien erabilera esparru bakoitzean nola egiten den azaldu eta ikuspegia emateko asmoarekin. Lehena, azaroaren 11n.
Aska Itzank Animaliak (AIA) animalien eskubideen aldeko taldeak hitzaldi zikloa antolatu du, Oiartzunen. Hiru izango dira, eta hirurek aztertuko dute animalien erabilera. Hori bai, esparru ezberdinetan nola erabiltzen diren aztertuko dute, eta ikuspuntua emango dute.
Esparru horiek tradizioa eta kultura, pedagogia eta feminismoak izango dira, Animalien erabilera eta… izenburupean. Hitzaldi guztiak udaletxeko pleno aretoan izango dira, eta 19:00etan hasiko dira. Bakoitzera aditu bat hurbilduko da.
Egitaraua
- Azaroak 11, ostirala: Animalien erabilera eta tradizioa eta kultura. Maialen Sagues, NOR talde antiespezistako kidea (euskaraz).
- Abenduak 2, ostirala: Animalien erabilera eta pedagogia eta hezkuntza. Pilar Badia Bigarren Hezkuntzako hizkuntza eta literatura irakaslea, eta Aula Animal proiektuko kidea (gazteleraz).
- Abenduak 16, ostirala: Animalien erabilera eta feminismoak. Laura Fernandez ikertzaile eta aktibista antiespezista, antlodifobikoa eta transfeminista (gazteleraz).
