Auto batek su hartu du Don Bosco inguruan

Donostiatik Irun aldera doazen ibilgailuak Pasai Antxoko biribilgunetik desbideratzen ari da Ertzaintza. Auto ilarak daude bide horretan.

Don Bosco ikastetxearen inguruan hartu du su autoak, Lurraldebusek emandako informazioaren arabera.

Kotxe batek su hartu du gaur goizean GI636 errepidean, Don Bosco ikastetxearen inguruan (Errenteria-Orereta). Hori dela eta, ibilgailuak Pasai Antxoko biribilgunetik desbideratzen ari da Ertzaintza une honetan. Gertakariak auto ilarak sortu ditu Donostiatik Irunera bidean.

Lurraldebusek eman du informazioa, izan ere, zerbitzu publikoaren E03 E04 eta E07 lineei ere eragin baitie autoaren suteak. Molinaoko geltokia behin-behinean ibilbidetik ezabatu dute autobusek, egoera ohikotasunera bueltatu artean.

Suhiltzaileak eta sorospen zerbitzuak lanean daude orain, Ertzaintzarekin batera, aipaturiko gunean.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.