2022an hamasei urte (edo gehiago) bete edota beteko dituen herritar orok eman dezake izena, hilaren 18ra bitarte.
Aisialdiko hezitzaile titulua eskuratzeko interesa duten gazteak adi egon daitezela, Oiartzo Ikastolak ikastaro bat antolatu baitu bosgarrenez. Aisialdiko taldeetako, udalekuetako, eskolaz kanpoko ekintzetako edota jangelako hezitzaile izateko aukera ematen du titulu horrek. Lanbidek homologatuko titulua da, 2022an hamasei urte edo gehiago bete edota beteko dituen herritar orok eman dezake izena.
Urtarrilean hasiko dute ikastaroa, eta bi ikasturteko iraupena izango du. Eskolak ikastolan bertan emango dituzte, ostiraletan (15:30etik 20:30era). Atal teoriko zein praktikoa landuko dute ikasleek.
Hilaren 18a (ostirala da) izango da apuntatzeko azken eguna. Lotura honetan eman daitezke izena. Ikastola bateko bazkide direnek 430 euro ordaindu beharko dituzte, eta hala ez direnek berriz, 450. Informazio gehiago jaso nahi dutenek 943 52 03 97 telefono zenbakira hots egin dezakete.
