XXXIII. Bizikloia eta XVII. Eneko Arcelus memoriala antolatu ditu Urdaburuk hilaren 26rako
Bi lasterketa mota antolatu dituzte omenaldirako: 7 kilometroko bizikleta lasterketa eta korrika egiteko 7 kilometroko txapelketa.
Datorren hilaren 26rako (larunbata da), XXXIII. Bizikloia eta XVII. Eneko Arcelus memoriala antolatu du Urdaburu Mendizale Elkarteak. Bi lasterketa mota antolatu dituzte omenaldirako: Bizikloia izenez ezaguna den 7 kilometroko bizikleta lasterketa (Baleio sagardotegiaren ondoan dagoen aparkalekutik Sorondora) eta korrika egiteko 7 kilometroko txapelketa (Sorondo-Irurita-Ozentzio-Sorondo).
Banaka edo bikoteka lehiatu ahal izango dela aurreratu du elkarteak: bikoteka lehiatzen bada, bietako batek bizikleta ibilbidea egin beharko du, eta besteak, korrikakoa. Ibilbideak bukatuta, sari banaketa eta merienda egingo dute elkartearen egoitzan.
Izena eman nahi dutenek Urdaburu elkartean bertaratu beharko dira, astearte eta ostegunetan, 19:00etatik 21:0e0tara. Bestela, 943 52 78 79 edo 686 59 67 32 telefono zenbakietara hots egin daiteke. Izena emateko azken eguna lasterketaren eguna izango da.
