Lonjako lanengatik Esnabideko zuhaitzak moztuko dituzte
Lonjara itsatsita dagoen espaloiko zuhaitzak dira kenduko dituztenak. Errei bat moztuta egongo da astelehenean, lanen ondorioz.
Irudian ikus daitekeen espaloiko zuhaitzak dira moztuko dituztenak. 
Lonjako obrak direla eta, datorren astelehenean Nabarrau Bou plaza eta San Pedroko biribilgunearen artean, Esnabide kalean, dauden zuhaitzak moztuko dituzte udal zerbitzuetako langileek.
Udaltzaingoak ohartarazi du lonjako aldean dagoen espaloiko zuhaitzak direla moztuko dituztenak, eta lanak 08:00etan abiatuko direla. Segurtasunagatik, errepideko errei bat itxita egongo da ordu horretatik aurrera, eta ibilgailuek txandaka pasa beharko dute. Oinezkoentzako, berriz, pasabide bat egokituko dute behin-behinean.
Horrez gain, Esnabideko alde horretan (lonjakoan) aparkatuta dauden ibilgailu guztiak kendu beharko dira astelehena baino lehen, San Pedroko biribilgunetik hasi eta Nabarra Boua bitarteko tramuan.
